Агуулахын аюулгүй ажиллагаа - Бизнесийн найдвартай ажиллагааны үндэс
Агуулах бол байгууллагын бараа, материал, бүтээгдэхүүний төвлөрсөн бүс. Гэхдээ зөвхөн хадгалалт бус, аюулгүй ажиллагааг өндөр түвшинд хангах нь ажилчдын эрүүл мэнд, барааны бүрэн бүтэн байдал, байгууллагын нэр хүндтэй шууд холбоотой.
Агуулахын орчинд тохиолддог нийтлэг эрсдэлүүд:
- Тавиурын нуралт, хэт ачаалал
- Ажилчдын гулгалт, уналт, осол
- Буруу өргөлтөөс үүдэлтэй гэмтэл
- Галын аюул, цахилгааны доголдол
- Хяналтгүй тээвэрлэлт, техник ашиглалт
Агуулахын аюулгүй ажиллагааг хангах 6 үндсэн зарчим
1. Стандартад нийцсэн тавиур, тоног төхөөрөмж ашиглах
- Ачаалал даах хүчин чадалтай, бат бөх, стандарт тавиур сонгох
- Drive-in, selective гэх мэт тавиурын төрөл, зорилгодоо тохируулж ашиглах
- Хэт ачаалахгүй байхыг анхаарах
2. Анхааруулах тэмдэг, зааврыг ил тод байрлуулах
- Аюултай бүс, хөдөлгөөнтэй техник, шат, цахилгаан хэрэгслийг тэмдэглэх
- Анхааруулах дүрс, өнгө, гэрэлтүүлэг ашиглан ажилчдын анхаарал төвлөрүүлэх
3. Ажилчдыг тогтмол сургалтад хамруулах
- Агуулахын дүрэм, аюулгүй ажиллагаа, өргөх төхөөрөмжийн хэрэглээ зэрэгт сургалт явуулах
- Яаралтай тусламжийн үеийн арга хэмжээ зааварчлан сургах
4. Тоног төхөөрөмж, тавиурын байнгын үзлэг хийх
- Сул боолт, гулзайлтайд орсон тавиур, эвдрэлтэй техникүүдийг нэн даруй солих
- Тогтмол хяналтын хуваарь гаргаж мөрдөх
5. Зөв өрөлт, тээвэрлэлт хийх
- Бараа бүтээгдэхүүнийг зөв зайтай, тэнцвэртэй байрлуулах
- Тээвэрлэх төхөөрөмжийг зөв ашиглах (өргөгч, тэргэнцэр гэх мэт)
6. Гэрэлтүүлэг, хяналтын систем суурилуулах
- Харанхуй бүс үүсэхээс сэргийлж, хангалттай гэрэлтүүлэгтэй байх
- Камер, дохиолол, галын хяналтын системтэй байх
Дүгнэлт
- Агуулахын аюулгүй ажиллагаа бол зөвхөн " хариуцсан ажилтны үүрэг" бус - бүх баг хамт олны хамтын хариуцлага юм. Сайн төлөвлөгдсөн, аюулгүй, зохион байгуулалттай агуулах нь зөвхөн ослоос сэргийлэх төдийгүй бизнесийн найдвартай ажиллагааны баталгаа болдог.
- Өнөөдөр аюулгүй ажиллагааны дүрэм, заавраа дахин хянан үзэж, сайжруулах шаардлагатай хэсгийг тэмдэглээрэй. Аюулгүй орчинд ажиллах нь хамгаас чухал
